تحقيق الاستاذ / احمد مجدي
الموضوع ده من اهم واخطر واكبر المواضيع فى عالم السيارات
موضوع طويل ومرهق ولاكن
90% مننا بيشترى عربيات مستعمله
و90% من اللى بيشتروا عربيات مستعمله معندهمش الخبره الكافيه للشراء
عشان كده مش بيبقى قدامهم غير 3 حلول
1 - يا بيشترى بخبرته البسيطه وبحظه ((وغالبا بيقع فريسه للتجار يقطعوا رقبته الا من رحم ربى ))
2 - يا بيشترى من حد معرفه جار او صديق او قريب وبرضه هو وحظه
( ممكن برضه يلبس فى الحيط )
3 - يا بياخد حد خبره معاه يفرزله العربيه
( وبرضه ممكن يبيعه ويعمل مصلحه عليه )
طريقك مسدود مسدود يا ولدى 🙄
فطبعا الناس بتهرب من كل ما سبق وتروح تشترى زيرو ولو حتى قسط
( وهنا بيقعوا فريسه للبنوك وشركات التأمين تتسلى عليهم )
#طب_والحل ؟🙄
(( الحل السحرى دائما وابدا انك تعتمد على نفسك ))
طب ازاى ؟
لو عايز تجيب عربيه وتبقى ضامن انك تقدر تحافظ على فلوسك وتقدر ترجعها لو ظهر فيها اى عيب غير اللى البايع قايلك عليه قدامك #حلين_مهمين جدا 👇
#اولا
انك تعمل عقد بيع للعربيه بينك وبين البايع تثبت فيه كل عيوب العربيه وتثبت فيه بند انه فى حاله ظهور اى عيوب خفيه فى السياره هيكون من حقك الرجوع فى عقد البيع بالإضافه الى التعويضات من اللى بايعلك
( والعيوب الخفيه دى انها تكون مغيره نص مثلا او مغيره ربع او اى عيب آخر كان صعب عليك تكتشفه وقت المعاينه ومش مكتوب فى العقد )
وفى الحاله دى بيكون حقك #محفوظ قانونا بالإضافه إلي #التعويضات 😉
#والحل_الثانى
انك تروح مركز فحص سيارات معتمد وتاخد منه #تقرير_شامل بحاله العربيه
وفى حاله ظهور اى عيوب كبيره غير اللى تم ذكرها فى التقرير انت فى الحاله دى ليك تاخد تعويضاتك الكامله من
#مركز_الفحص نفسه ... لانك اشتريت بناء على تقريره
وده عشان لو عايز اشترى عربيه ومقلق منها وعايز تضمن حقك
لو وصلت لحد هنا ماتحرمناش وماتحرمش نفسك من( الصلاه على اشرف الخلق )
اما بقي قصه نصبايه البيع والشراء فدى هقولهالك ف بوست تانى
فخليك من ضمن متابعينا 😉🥰
تحياااتي
د.احمد مجدي
جريدة مصر كلها
هنساعدك توصل لافضل اختيار
