بقلم /رحاب امين يوسف
ما تلمش ع الدنيا يا صاحبي
ما تلمش ع الناس
الدنيا ليها اللى يبنيها وليها الاساس
ابعد عن كل عاصى
ابعد عن الوسواس
خليك مع الصديق الحق
اللى تلاقي عنده احساس
مش هتشوف احساس بعينك...لأ
هتلاقي عندك احساس
هيقابل اى سهم يجيلك او حتى اى رصاص
مش هيسيبك ويقول
كان صديق وخلاص
ما تلمش ع الدنيا يا صاحبي ما تلمش ع الناس
ياما قلنا م الكلام ده كتير بس فين الناس
الناس اهم موجودين بس فين نبرة الاحساس
الناس اهم موجودين بس فين منبع الإخلاص
ما تلمش ع الدنيا يا صاحبي
ما تلمش ع الناس
